Antzerki jaialdia

Santurtziko Antzerki Jaialdiaren XXXIX. Edizioa aurten azaroaren 1etik abenduaren 1era egingo da.

Oraingo honetan 15 ikuskizun eskainiko dira areto barruan, Serantes Kultur Aretoan hain zuzen, eta beste bi kalean, J.J. Mendizabal plazan.

Programatutako egitarauak kalitate handiko lanak eta askotariko formatuan eskaintzen ditu. Haien artean "Claudia" eta "13" nazioarteko ikuskizunak nabarmendu nahi ditugu, biak gaztelaniaz. Lehenak Argentinako diktaduran zehar izan ziren ume-bahiketaz hitz egiten du. Zuzenean helduko zaigu bihotzeraino eta emanaldiaren ostean antzezleak publikoarekin elkartuko dira. Bigarrena, berriz, Fatimako mirariei buruzko komedia dibertigarri eta fina da.

Jaialdian formatu handiko lanak ere izango dira, besteak beste, Meridako azken jaialdian estreinatu zuten "Nerón" eta "Juntos", zeinean desgaitasunaren aldean zer den normala izatea planteatzen den. Bestetik, honako hauek ere nabarmentzekoak dira: "7 años" antzezlanean gauzak okertzen direnean laguntasuna gal daitekeela azaltzen da, "Todas las mujeres" antzezlanean protagonista "bere lekuan" jarriko dute bere bizitzako emakume guztiek, nazkatuta daudelako zama arintzen ibiltzeaz, "Sensible" lanak emakume aristokrata nagusi baten jelosia azalduko du, Cadena Serren gaueko irratsaioan oinarritutako "Hablar por hablar" eta "La culpa" zeinean psikiatra baten istorioa kontatzen den. bati sarraskia egin izana egotzi dioten paziente baten alde deklaratzeko eskatuko diote eta uko egiten duenean, bere bizitzan denak egingo du porrot.

Zirkuak ere lekutxoa izango du jaialdian; aurten EIA taldearen eskutik "InTarsi" ikuskizunaren bidez.

Etxea galtzea "La Mudanza" antzezlanean etxea galtzea jorratzen dute bi bikotek.

Edizio honetan, "Oxido" hurbileko antzezlana izango dugu antzokiaren leku desberdinetan. Aldi berean bi saio izango dira 80na pertsonentzat. Duela gutxi Ciudad Rodrigoko Azokan publikoaren saria jaso duen "Felicidad" antzezlanak bi bikote zoriontsuak izateko hitz egiten duen komedia.

Euskarak ere tokia izango du Jaialdian "Ghero: Azken euskalduna" umorezko antzezlanaren bitartez, bai eta Gorakada Antzerkiaren "El viaje de Ulises"lanarekin ere, haur eta familia osoarentzat.

Jaialdian izen handiko antzezleek hartuko dute parte, besteak beste, Kiti Manver, Pepón Nieto, Melani Olivares, Gorka Otxoa, Miguel Rellán, Carmen Ruiz, Eloy Azorín, Magüi Mira, Miguel Hermoso, Ana Fernández, Francisco Vidal, Nuria González, Lola Casamayor , Cristina Plazas, Lucía Barrado, Mónica Regueiro... bai eta izen handiko zuzendariak ere: Juan Carlos Rubio, Daniel Veronese, Alberto Castrillo-Ferrer...

Ikuskizun hauetako sarrerak neurrizko prezioan daude, 4-20 euro bitartekoak. Gainera, jaialdiak ikusle gehiago izan ditzan, abonua jarriko da salgai areto barruan egingo diren lan guztietarako (haurrentzako eta euskarazko lanetarako izan ezik). Abonua 125 eurotan salduko da.

Horretaz gain, kale-antzerkia ere izango da Lucchettino talde italiarraren "Magos por una noche" eta Dimitri handiaren "The great circus" lanekin.

Antzerki Jaialdiaren barruan, SAREA Euskadiko Antzoki Sareko zuzendariek eta programatzaileek azaroaren 29an Batzar Nagusia izango dute.

Santurtziko Antzerki Jaialdia, 39 urteren bueltan, milaka pertsonek kalitatezko antzerkiaz neurrizko prezioan gozatu ahal izateko ekimena da.



ABONU OROKORRA (lan guztiak barne, umeentzakoa eta euskerazkoak izan ezik) 125 €
SKAko BAZKIDEENTZAKO ABONU BEREZIA (lan guztiak barne, umeentzakoa eta euskarazkoak izan ezik) 100 €

SERANTES KULTUR ARETOA Autonomiadun erakundea
Casa Torre Jauregia - Sabino Arana kalea, 5 48980 Santurtzi. Telefonoa: 94 420 58 50

Kolaboratzaileak:

Sarea. Euskal antzoki eta arte eszenikoen leiho berria.

Jarraitu: