Antzerki jaialdia

SANTURTZIKO ANTZERKI JAIALDIA - 40 URTE ETA BETI GAZTE

Santurtziko Antzerki Jaialdiak aurten 40 urte beteko ditu eta inoiz baino gazteago egongo da. Jaialdia, zeinak egiaztatutako kalitatezko antzerki-egitaraua baitu, urriaren 31n hasi eta abenduaren 1ean bukatuko da. 17 areto-ikuskizun bikain antzeztuko dira Serantes Kultur Aretoan eta 4 kale-ikuskizun izango dira oinez bidean eta Gernika parkean.

Duela berrogei urte bezala, Santurtziko antzokia gaztez betetzeko asmoa dugu aste betez, lehenengo “Antzerkiaren Aste” hura gogora ekarri nahian. Izan ere, Santurtzi eta inguruko gazte ugari etorri ziren askatasun usaina zuten kulturaren inguruko antzezpenetara. Orduan bezala, oraingo honetan ere neurrizko prezioan eskainiko dira ikuskizunak.

Helburu hori lortzearren, gazteek egindako aparteko 5 ikuskizun dituen koktela prestatu dugu, Serantes Kultur Aretoan igandetik asteazkenera ikusi ahal izateko: “Un poyo rojo”, zeinean gorputz batzuek adierazteko duten gaitasun harrigarriak hunkitzen baikaitu, “Yoy only life once”, zirku-diziplinen bidez orekaren edertasuna erakusten digun antzezlana, “¿Qué fue de Ana García?”, musika eta ahotsak lagun indarkeria matxistaren kontrako eta ezberdina errespetatzearen aldekoa, “Playoff”, emakumeari eta emakumea eta kirolari buruzko lana, eta, bukaera gisa, Gernika parkean gaueko 10etan izango den “Bidaia”, Europara heldu nahi duen migratzaile baten bidaia kontatzen duen jai-ikuskizuna.

Jaialdia “Cabaré a la Gaditana” antzezlanarekin hasiko da, zeinean ikus-entzuleak agertokira igoko baitira. Kabareta, musika, antzerkia eta performacea nahasten dituen horrek Cadizeko inaute ospetsu eta lotsagabera eramango gaitu.

Horretaz gain, “24 horas en la vida de una Mujer” antzezlana izango dugu, Stefan Zweigen eleberrian oinarritutako musikala, eta “El cavernícola”, gizon eta emakumeen arteko desberdintasunei buruzko bakarrizketa, zeina Santurtzira helduko baitzaigu Broadwayn arrakasta handia lortutakoan eta Madrilen 9 denboraldiz ibilitakoan.

Jaialdira hainbatetan etorri den Chapitó Portugaleko taldeak, berriz, “Hamlet” antzezlana aurkeztuko digu beren estilo komiko eta mingarrian.

Jaialdian formatu handiko antzezlanak ere izango dira, besteak beste, “Tito Andrónico”, Meridako jaialdian estreinatu ondoren publikoaren eta kritikarien artean arrakasta handia lortu zuena, eta “Muerte en el Nilo”, abestiak, eszena-koreografia eta proiekzioak dituen Ágatha Christieren eleberri ospetsuaren egokitzapena.

Felliniren “La Strada” lanaren egokitzapena ere izango dugu, askeago izateko eta aldatzeko ditugun zailtasunei buruzkoa, eta “La Jauría” antzezlana, Aldrabasaren epaiketako transkribapenetatik abiatzen dena.

Era berean, “Viejo Amigo Cicerón”, zintzotasun morala adierazten duen Erromako politikari ospetsuari buruzkoa, edo “El coronel no tiene quien le escriba” izango ditugu, mundua zein bidegabe den eta aldi berean gizakiak nolako handitasuna lor dezakeen kontatzen duena, bai eta “Copenhague” ere, bi zientzia-gizonek zientziaren erabilerari buruz dituzten ikuspuntuak azaltzen diguna.

Euskarak ere lekua izango du Mikel Laskurain eta Ane Gabarain antzezle maiteen “Zoaz Pake Santuan” umorezko antzezlan eta Gorakada taldearen umeentzako “Pinocchio” antzezlanaren bidez.

Jaialdian izen handiko antzezleek hartuko dute parte, besteak beste, Silvia Marsó, José María Pau, Emilio Gutiérrez Caba, Carlos Hipólito, Imanol Arias, Nacho Novo... Eta oso zuzendari ospetsuak ere izango ditugu, hala nola, Carlos Saura, Mario Gas, Claudio Tolcachir , Miguel del Arco...

Aurretik aipatutako areto-ikuskizunez gain, lau kale-antzerki izango dira Jaialdian publiko ororentzat: “Full House”, auzokideen arteko elkarbizitzari buruzko umorezko fabula, “The Incredible Box”, hondamendirako bidean doazen hiru pertsonaia aurkezten dizkiguna, eta “Piti Peta Hofenshow”, zorakeria handia duen inprobisazio-antzezlana. Horietaz gain, gazteei zuzendutako “Bidaia” ikuskizuna (lehenago aipatu duguna).


Ikuskizun hauetako sarrerak neurrizko prezioan daude, 4-20 euro bitartekoak. Gainera, jaialdiak ikusle gehiago izan ditzan, abonua jarriko da salgai areto barruan egingo diren lan guztietarako (haurrentzako eta euskarazko lanetarako izan ezik). Abonua 125 eurotan salduko da.

Antzerki Jaialdiaren barruan, SAREA Euskadiko Antzoki Sareko zuzendariek eta programatzaileek azaroaren 14an Batzar Nagusia izango dute.





Hurrengo ekitaldiak

MUERTE EN EL NILO

2019-11-15

Zalantzarik gabe, Muerte En El Nilo  Agatha Christieren lan ugarien arteko ospetsuenetako bat da. 1937ko eleberriaren filma egin zuten 1978an, arrakasta handia lortuz. Besteak beste, honako hauek izan ziren antzezleak: PETER USTINOV, DAVID NIVEN, MIA FARROW, BETTE DAVIS eta MICHAEL...

Informazio gehiago
  • TITO ANDRNICO
    TITO ANDRÓNICO
    2019-11-16

    Gudan hamar urte eman ondoren, Tito Andrónico Erromara itzuli da...

  • VIEJO AMIGO CICERN
    VIEJO AMIGO CICERÓN
    2019-11-17

    Viejo amigo Cicerón hizlari erromatar ospetsuaren irudian zentratutako antzezlana da,...

  • JAURA
    JAURÍA
    2019-11-22

    2016ko uztailaren 7a, San Fermin jaiak. Goizaldeko 3:00ak. Bost gizon...

  • EL CORONEL NO TIENE QUIEN LE ESCRIBA
    EL CORONEL NO TIENE QUIEN LE ESCRIBA
    2019-11-23

    Koronel zaharra eta emaztea miseria gorrian bizi dira, gobernuaren gutunaren...

  • COPENHAGUE
    COPENHAGUE
    2019-11-29

    2000. urtean Michael Frayn idazle eta antzerkigileak idatzitako "Copenhage" antzezlanak...

  • LA STRADA
    LA STRADA
    2019-11-30

    “La Strada” antzezlanak gerraostean bidean topo egiten duten hiru pertsonaiaren...

  • PINOCCHIO
    PINOCCHIO
    2019-12-01

    Antzezleen, txotxongiloen, teknologia berrien eta soinu-unibertsoaren bidez, gizon xume baten...

SERANTES KULTUR ARETOA Autonomiadun erakundea
Casa Torre Jauregia - Sabino Arana kalea, 5 48980 Santurtzi. Telefonoa: 94 420 58 50

Kolaboratzaileak:

Sarea. Euskal antzoki eta arte eszenikoen leiho berria.

Jarraitu: