2024ko Antzerki jaialdia
🎭45. ANTZERKI JAIALDIA
Bizkaian aitzindaria den Santurtziko Antzerki jaialdiak, antzerkiak era guztietan duen aniztasuna eta aberastasuna ospatuko ditu bere 45. ekitaldian
Azaroaren 3tik abenduaren 1era, antzerki klasikoan hasi eta Santurtziko talentu gazteen sormen lanik berritzaileenak batzen dituen programaziorik behinenaz gozatu ahal izango dugu,
Antzerki jaialdiaren berrogeita bostgarren ekitaldi honek antzezle bikainak batuko ditu, hala nola Vicky Luengo, Carlos HIpólito, Beatriz Argüello, Juan Messeguer, Carmen Morales, Jose Troncoso, María Adanez eta Eneko Sagardoi; eta zuzendari nahiz dramaturgo handiak diren Sergio Peris Mencheta, Juan Carlos Rubio eta Juan Carlos Fisher.
Santurtziko Antzerki Jaialdiak, antzezlan eta estilo sorta zainduarekin, 17 proposamen aurkeztuko ditu, horietako asko arrakasta handikoak, sari eta aipamen garrantzitsuak dituztela. Horretaz gain, ekoizpen berriak ere izango ditugu, horietako bat erabateko estreinaldia eta beste 5, Euskadin estreinatuko direnak. La Celestina edo Bodas de sangre bezalako lan klasikoen moldaketetatik hasi eta hizkuntza eszeniko eta narrazio-teknika berriak aztertzen dituzten abangoardiako beste ekoizpen batzuetaraino.
Aurten, ia mende erdia betetzen dugun honetan, ekoizpen handien eta artista ezagunen aldeko apustua egiteaz gain, etengabeko berrikuntzaren garrantziaz eta loratzen ari den sormenari zor zaion bultzadaz jabetuta, Santurtziko talentu gazteen sorkuntza berriei eskainitako sail bat sortu dugu, propio, antzerkiaren etorkizuna horietan datzala uste baitugu. Ildo horretan, hiru proposamen ditugu, oso desberdinak hirurak: “Esta tarde en Mentxaka” (pabiloi 6), “Eros” (Ixo antzokia) eta “Yo soy azul” (La Chivata Teatro). Hiru-hirurek aurre egiten diete ohiturak ezarritako moldeei. Gainera, etengabe aldatzen ari den munduan, arte eszenikoak bizirik mantentzen direla, aurrera egiten dutela eta gogoetarako, berrikuntzarako eta giza konexiorako espazioa ziurtatzen dutela erakusten duten narratiba freskoak proposatzen dituzte.
Horrekin guztiarekin, gure helburua da tradizioa eta berrikuntza integratuz, arte eszenikoen bilakaera bultzatzen jarraitzea, eta horrela belaunaldi berriek antzerkiaren munduan beren lekua izan dezaten erraztea
Azaroaren 7an, Serantes Kultur Aretoak Pabilioi 6-ren “Esta tarde en Mentxaka” lan berria estreinatuko du. Thrillerra, komedia dramatikoa da, non Andra Mariaren agerpen baten bidez etorkizun apokaliptiko baten berri ematen den. Kontakizun bati buruzko kontakizuna da: zein eta gizarteak guregandik eskuratzen duen hori eta, batez ere, denboran zehar geure buruari buruz sortzen dugun hori
Azaroaren 8an, Sergio Peris Mentxetak Wadji Mouawad idazle entzutetsuaren “Cielos” lana zuzenduko du, Talia Sarien azken edizioan saria jaso duen proposamena.
Juan Messeger, Carmen Morales eta Clara Seguraren “Querida Agatha” lanaren estreinaldia Euskadin. Antzezlanean, belaunaldi desberdinetako bi idazlek, Benito Perez Galdosek eta Agatha Christiek, topo egiten dute ustekabean. Idazle zeharo ezberdinak diren arren, bat egiten dute komedia dramatiko honetan.
Igandean, 12:30etan, Marie de Jongh konpainiaren “Mr. “Bo” lan berria eskainiko dugu, haur eta familiei zuzendutakoa. Antzezlan honek Inozentziaz, xalotasunez, poesiaz eta soiltasun handiz, aginte despotikoaren miseriak erakusten ditu clownaren bidez.
Arratsaldean, “Olvido Flores” zirko ikuskizuna izango dugu. Objektuen hizkuntzaren bidez, edertasun mingotseko istorio bat kontatzen du poesia, zirkua eta gerra, oroimenari eta inork lorerik eraman ez zien ahaztutako pertsonei omenaldia egin nahi izan diena.
Azaroaren 13an, Santurtziko Talentu gazteen atal berezian, Ixo Antzerki konpainiaren “Eros” lana aurkeztuko dugu. “Eros” komedia poetikoak, maskara eta keinuen antzerkiaren bitartez, maitasuna zaintzeko bidea eragozten duten beldurrei ahotsa ematen die,
Azaroaren 14an, “Marmarra” antzerki ikuskizunaren emanaldia, euskaraz. Zuzeneko musika eta dantza dituen ikuskizuna izango da. Asteburu berean, 15ean, “Bodas de sangre” eskainiko da, klasiko horren bertsio bikaina, ohitura eta garai zaharretako erreferenteen ordez, Lorcaren olerkiaren garairik gabeko edertasuna oinarrian duena.
Hilaren 16an, larunbatarekin, Ay Antzerkiak “Burro” aurkeztuko du. Lanak Carlos Hipólito izango du protagonista; horrez gain, musika zuzenean izango du Fran Garcia, Iballa Rodriguez eta Manuel Lavanderaren eskutik.
Hilaren 17an, “Carmen, nada de nadie” aurkeztuko da, Carmen Díez de Rivera, “transizioaren musa” deiturikoari eskainitakoa. Antzezlanak Gobernuko Presidentzia-kabinetearen arduraduna izan zen emakumearen bizitzako pasarterik behinenak gogoratzen ditu; emakume feminista, askea eta ausarta bera, demokraziaren aldeko borrokagatik bere gizarte-mailako abantailei uko egin ziena.
Azaroaren 22an, “La gramática” estreinatuko dugu Euskadin, arau gramatikalak kolokan jartzen dituen hizkuntzari buruzko satira, Ernesto Caballero zuzendari ospetsuak zuzendua eta María Adanez eta José Troncoso protagonista dituena
Azaroaren 23an, “Prima Facie” aurkeztuko dugu. Lana bakarrizketa lazgarria, arrailgarria da, antzezpen bikaina duena, Vicky Luengo aktoreak, antzerkiko emakumezko aktore protagonista onenaren Talia 2024ko saria izan denak, bere arima osoa ematen baitio. Sormen-lan dramatiko adimentsu, dibertigarri eta hunkigarri honek ikuslea munduak nola funtzionatu beharko lukeen aztertzera eramaten du, mundu bat, non pertsona guztiak askatasunean, eskubideetan eta aukeretan zeharo ezberdinak izan daitezen eraikita dagoen.
Hilaren 24an, “Mar, o de cómo sobrevivir a un tsunami” eskainiko dugu. Antzezlan hau ere hainbat sari jasotakoa da, hala nola 2024ko Talia saria jatorrizko musika onenari, 2024ko Lorca saria zirku ikuskizun onenari eta 2023ko Andaluziako Paca de Circo saria interpretaziorik onenari (Rebeca Pérez, besteak beste). Ia tragikomedia bat da lan hau, haurtzaroan aita edo ama bat galdu izanaren ondorioz bizi izandako doluan oinarrituta. Pieza honetan antzerki fisikoaren, zirkuaren, zuzeneko musikaren eta plastika eszenikoaren kontzeptuak ia umorezkoa, ia poetikoa, ia flamenkoa eta ia dramatikoa den erritual batean lausotzen dira.
Azaroaren 28an, beste klasiko bat taularatuko dugu, “La Celestina”. Lan honek Anabel Alonso du talde buru. Fernando Rojasen eleberri ospetsuan oinarrituta,. Arimaren azaleraino sartuko zaigun bertsio horretan pasio erotikoa eta gutizia “Carpe Diem”-en erritmoan agertzen dira. Kontakizunak agerian utziko ditu gizakiak bere zikoizkeria eta botere gosea asetu nahian barnean gordetzen dituen miseriak, zitalkeriak eta zabarkeriak
Azaroaren 30ean, Santurtziko Gazte Talentudunen sail bereziaren barruan, Chivata teatroaren “Yo soy azul” lan berria aurkeztuko dugu. Proiektu honek emakumeen “zahartzeaz” egiten du gogoeta ikuspuntu emozionaletik, maitatzeko, desiratzeko, desamodioa sentitzeko, bizirik daudela sentitzeko gaitasuna aitortuz, adina gorabehera.
Aurtengo edizioa abenduaren 1ean amaituko dugu, eta euskararen egunaren karietara, Eneko Sagardoy eta Vito Rogado protagonista dituen “Emakume baten borroka eta metamorfosia” taularatuko da. Édouar Louisen asmo handiko proiektu autobiografikoa: ama baten eraldaketa heroikoa gizonezko burua eta gorputza dituen mundu batean.
Edizio honetan, ABONU OROKORRA erosi ahal izango da 125 euroko prezio berezian, eta BAZKIDEENTZAKO ABONUA 100 euroan, euskarazko eta familiako ikuskizunetarako izan ezik, beste guztietarako sarrera barne duela, guztira 13 proposamen bikain.
Abonuak urriaren 9an bertan eskuratu ahal izango dira SERANTES KULTUR ARETOKO leihatilan 17:30etatik aurrera (Gabriel Aresti, z/g – Santurtzi) eta banakako sarrerak, urriaren 10etik aurrera, leihatilan eta gure webgunean: www.serantes.com
Laburbilduz, Bizkaian aitzindaria den jaialdi honek ilusioz jarraitzen du arte eszenikoak sustatu nahian eta horiek herritarrei hurbiltzeko gogoz; nola eta, estreinaldiak, berrikuntzak eta saritutako lan ugari Santurtzira ekarrita.
