LAGUN ZAHARRAK Koral Elkarteak eta SANTURTZIko UNION MUSICAL VIZCAINA Musika Bandak, Javier Bustamante eta José Miguel Medranoren zuzendaritzapean hurrenez hurren, Urte Amaierako kontzertu tradizionala emango dute Santurtziko Serantes Kultur Aretoan abenduaren 29an.
Kontzerturako sarrerak hilaren 10etik aurrera, astelehena, egongo dira salgai 5 euroren truke.
Santurtziarrak eta inguruko herrietako biztanle asko kontzertu tradizional hau ikusteko gogoz daude, parte hartzaileen eta aukeratutako obren kalitateaz gain, bi erakunde hauek giro aparta sortzen dakitelako Serantes Kultur Aretoan, publikoa erabat harrapatuz.
Aurten hurrengo programa hau eskainiko digute:
UNION MUSICAL VIZCAINA musika bandak joko dituen obrak:
Frank Sinatra Hits Medley……Arr. Nachiro Iwai
Nostradamus……Otto M.Schwartz
Lagun Zaharrak koralak eta Unión Musical Vizcaina musika-bandak elkarrekin eskainiko dituzten abestiak:
En un mercado persa…….A.W.Ketelbey
Pom and Circumstance…….E.Elgar
Tanhauser “Coro de Peregrinos”…….R.Wagner
Alleluia…..Haendel
La conquista del paraiso……Vangelis
Oi Ama Eskualherri……B.Lertxundi
Aurten Jon Ordorika tenor santurtziarrak ere parte hartuko du kontzertuan. Ordorikak Moskuko Tchaikovski kontserbatorioan ikasi zuen konposizioa eta parte hartu ohi du Masa Coral del Ensanche Koral Elkarteak abesten dituen zarzueletan. Gaur egun RTVE-ko abesbatzako kidea da.
Jon Ordorikak hurrengo hauek kantatuko ditu:
Granada……A.Lara
Tosca “Adios a la vida”…….G.Puccini
