Gabonak
Santurtzik kulturaz eta ilusioz egingo die aurre Gabonei
Serantes Kultur Aretoa etengabe ari da lanean pandemiak, kultura-sektorean zein herritarren gogoan, eragin dituen ondorio txarrak eragozteko, eta aurten etxeko txikienek ere ilusioa izan dezaten Gabonetako jaietan. Hortaz, hemen duzue egingo diren lanen laburpena:
Santurtziarrek aukera izango dute Olentzero eta Errege Magoen kabalgata online ikusteko. Horretarako, galdetegi erraz bat erantzun beharko dute gurasoek eta Olentzero eta Errege Magoen pertsonalizatutako whatsapp bat jasoko dute. Jarduera horietan Zugaitza Dantza taldeak eta "DAEM" Denontzako Auzo Elkartea Mahastiak hartuko dute parte.
Arte eszenikoei dagokienez, familia osoari begirakoak izango dira hurrengo bi ikuskizunak:
- "PLAY" abenduaren 20an, 18:30ean. ARACALADANZA taldeak haur eta gazteentzako Antzerkiaren Sari Nazionala jaso zuen 2010ean eta, 24 urteko ibilbidean, erreferentea izan da familia eta gazteentzako ikuskizunen sorkuntzan.
- "BLANCANIEVES, EL MUSICAL", urtarrilaren 3an, 17:00etan eta 19:00etan. Ipuin tradizionalaren egokitzapenak printzesa perfektuekin amets egitera bultzatzen gaituzten estereotipoak eta gezurrak hautsi nahi ditu, pertsonak benetan interesgarri egiten gaituena gure inperfekzioak eta desberdintasunak direnean. Gainera, ikuskizuna zeinu-mintzaira egokitua dago.
Gabonetan kultura oparitu ahal izango diegu etxeko txikienei eta horretarako Goizeko Familia Abonua jarriko da salgai, sei plan zoragarri izango dituena urtarrileko eta otsaileko igandeetako goizetarako. Eguerdiko 12:30ean, 6 ikuskizun izango dira euskaraz eta familian gozatzeko: 3 film eta 3 antzezlan. Abonuak 12 € balio du. Hona hemen programazioa:
- 01/10 ANTZEZLANA: "KOTONDARRAK"
- 01/17 FILMA: "LUR ETA AMETS"
- 01/24 FILMA: "POKEMON PIKACHU DETEKTIBEA"
- 01/31 ANTZEZLANA: "PINOCCHIO"
- 02/07 FILMA: "MR LINK: JATORRI GALDUA"
- 02/14 ANTZEZLANA: "BOTADUN KATUA"
Casa Torre jauregiko erakusketa gelan, Txus Martín bildumazalearen Galaxietako Sinaduren Erakusketa izango da abenduaren 4tik urtarrilaren 7ra, astelehenetik larunbatera, 9:00etatik 14:00etara eta 18:00etatik 21:00etara. Erakusketa horretan, STAR WARS sagako izarren sinadurak daude.
Zine-programazioari dagokionez, abenduan jarraituko dugu egunean hiru film ematen ostegunetik igandera, 18:30ean.
