Santurtzik inauterietan ere eusten dio itsas tradizioari. Azken urteotan, talde guztiek parte hartzeko aukera dute nahi duten mozorroa jantziz, hala ere, itsasoarekin lotutako mozorroei sari bereziak banatzen zaizkie.
Inauteriak ostiral honetan hasiko dira, hilak 8. Egun horretan eskoletako umeek kolorez eta poztasunez jantziko dituzte Santurtziko kaleak. Gernika Parkean jai berezia antolatuko da diskoteka eta jolas puzgarriz, DJ animatzaile baten eskutik.
Ostiralean, hilak 15, 18:30ean Kabiezeseko Auzokideen Elkarteak antolatzen duen Inauterietako Desfilea izango da. Kabiezeseko polikiroldegian emango zaio hasiera eta Zulueta bidean behera, Cotillo eta Antonio Alzaga kaleetan zehar ibiliko da Kabiezeseko Enparantzan bukatu arte, bertan sari-banaketa egingo da eta mozorrotuta doazen ume guztiei gozokiak banatuko zaizkie.
Otsailaren 16an, 18:30ean, Santurtziko Inauterietako Desfilearen IX. edizioa egingo da. Sardinera Parkean hasi, eta Mendizabal Kapitaina eta Maestro Calles kaleak zeharkatu ondoren, Gernika Parkean bukatuko da. Bertan sari banaketa egingo da 21:00etan, eta 20:00etatik 23:00ak arte diskoteka egongo da nahi beste dantzatzeko.
Otsailaren 13ra arte egongo da izena emateko epea zabalik. Hurrengo kategoria hauetan har daiteke parte: Helduen Marinel Taldea, Helduen Inauteri Taldea, Umeen Inauteri Taldea, Umeen Marinel Taldea eta bakarka edo bikoteka. Izena emateko hiru modu daude:
– Serantes Kultur Aretoaren web gunea: www.serantes.com
– Casa Torre Jauregian, 9:00etatik 14:00etara eta 18:00etataik 21:30era
– 94.420.58.50 telefonora deituta 10:00etatik 14:00etara
Hona hemen sariak:
1.saria: Umeen Marinel Taldea 300€+garaikurra
2.saria: Umeen Marinel Taldea 200€
3.saria: Umeen Marinel Taldea 100€
4.saria: Umeen Marinel Taldea 80€
5.saria: Umeen Marinel Taldea 70€
1.saria: Helduen Marinel Taldea 500€+garaikurra
2.saria: Helduen Marinel Taldea 300€
3.saria: Helduen Marinel Taldea 100€
4.saria: Helduen Marinel Taldea 80€
5.saria: Helduen Marinel Taldea 70
1.saria: Umeen Inauteri Taldea 300€ + garaikurra
2.saria: Umeen Inauteri Taldea 200€
3.saria: Umeen Inauteri Taldea 100€
4.saria: Umeen Inauteri Taldea 80€
5.saria: Umeen Inauteri Taldea 70
1.saria: Helduen Inauteri Taldea 500€ + garaikurra
2.saria: Helduen Inauteri Taldea 300€
3.saria: Helduen Inauteri Taldea 100€
4.saria: Helduen Inauteri Taldea 80€
5.saria: Helduen Inauteri Taldea 70
Bakarkako saria: 200€ + garaikurra
Tramankulu onenarentzako saria: 200€ + garaikurra
15 lagun edo gehiago dituzten taldeei 50 euroko dieta emango zaie
Animatzen zaituztegu, gazte zein nagusi, mozorroa jantzi eta inauterietan parte hartzera.
