Harrigarria da Santurtziko Serantes Kultur Aretoaren Zine Klubak hain harrera ona izatea publikoaren aldetik eta harrigarriagoa gaur egungo aisia kontsumoen aldaketak kontuan harturik. Izan ere azken urte hauetan Santurtziko zine kluba 190 jarleku zuen aretoan ematetik 600 jarleku duenera aldatu behar izan da. Arrakasta, ziur aski, ematen diren filmak denbora pasa baino gehiagorako direlako eta publikoaren interesetatik oso hurbil daudelako lortu da, aukeraketa ohiko ikus-entzuleak gogoan izanik egiten delako eta programazio irizpideak, askotan, partekatzen direlako.
Santurtziko zine klubaren denboraldia urriaren 5ean hasiko da Pikadero filmarekin. Santurzine Zine Jaialdiaren barrukoa denez, Lander Olano antzezlea izango dugu. Filmak maiatzaren 18ra arte emango dira, ostegunetan, hamabost egunean behin, saio bitan: 18:00etan eta 20:30ean eta sarreraren prezioa 3 eurokoa da.
Edizio berrian 14 film izango dugu, 8 Europakoak, 5 Estatu Batuetakoak eta 1 Australiakoa. Genero, herrialde, zuzendari eta abar anitzak izango dira, baina guztiek dute zerbait komunean, guztiak izan dira saridunak zine jaialdi handietan edota nazioarteko erakusketetan.
Urteek aurrera egin ahala, Zine klub formatua aldatuz joan da. Hasieran egile edo genero jakin baten inguruan antolatutako zinema zikloak ematen ziren urtean bizpahiru astez. 2004.urtean, berriz, Serantes Kultur Aretoaren bazkide txartela abian jartzearekin batera, zine kluba bi seihilekotan egiten hasi zen, eta orduantxe erabaki zen munduko zine-jaialdirik garrantzitsuenetan saritutako filmak ematea.
2017/2018 denboraldian emango diren FILMAK:
DATA FILMA
URRIAK 05 PIKADERO
URRIAK 19 JACKIE
AZAROAK 09 COLOSSAL
AZAROAK 23 LION
ABENDUAK 14 HAROLD Y SU MANUAL DE SECUESTRO
URTARRILLAK 11 ANIMALES NOCTURNOS
URTARRILAK 25 LOVING
OTSAILAK 08 TONI ERDMANN
OTSAILAK 22 ESTADOS UNIDOS DEL AMOR
MARTXOAK 08 MARÍA Y LOS DEMÁS
MARTXOAK 22 LOCAS DE ALEGRÍA
APIRILAK 12 LADY MACBETH
APIRILAK 26 CAPTAIN FASTASTIC
MAIATZAK 10 MONSIEUR CHOCOLAT
