Irailaren 29an, osteguna, Serantes Kultur Aretoak ZINE KLUBaren XVIII. edizioari emango dio hasiera Christian Vincenten “El Juez” film frantziarraren bidez.
Zine klubaren saioetan aretoa beti egoten da beteta, eta ez da harritzekoa, Santurtziko zine-klubean urtetik urtera jende gehiagok hartzen duelako parte. Izan ere, hasieran emanaldiak 190 lagunentzako eserlekua duen areto batean egiten ziren, gero areto nagusian, 600 eserlekuduna bera, eta hala ere, txiki geratu zen eta saioak bikoiztu behar izan ziren.
Zine kluba irailaren 29an hasiko da eta maiatzaren 11n amaitu, filmak hamabostean behin ikusiko dira bi saiotan: 18:00etan bata eta 20:30ean bestea. Sarrera 3 eurotan jarriko da salgai.
Edizio honetan 15 film ikusiko ditugu, euretako 12 europarrak, bi estatubatuarrak eta argentinar bat. Emango diren film guztiek sariren bat jaso dute nazioarteko zine-jaialdi garrantzitsuenetan. Denetiko filmak daude, genero, herrialde edo zuzendari anitzenak, baina den-denek jaso dute sariren bat gizarte gaien lanketa eta aktoreen lanagatik. Eta nahiz eta batzuk ez diren denbora luzez zine-zirkuitu komertzialetan egon, guzti-guztiak dira interesgarriak eta onak.
Urteek aurrera egin ahala, Zine klub formatua aldatuz joan da. Hasieran egile edo genero jakin baten inguruan antolatutako zinema zikloak ematen ziren urtean bizpahiru astez, batzuk jatorrizko bertsioan eta guzti. 2004.urtean, berriz, Serantes Kultur Aretoaren bazkide txartela abian jartzearekin batera, zine kluba bi seihilekotan egiten hasi zen, eta orduantxe erabaki zen munduko zine-jaialdirik garrantzitsuenetan saritutako filmak ematea.
2016-2017 denboraldian emango diren FILMAK
|
DATA
|
FILMA
|
|
IRAILAK 29
|
EL JUEZ
|
|
URRIAK 13
|
UN OTOÑO SIN BERLÍN
|
|
URRIAK 27
|
DHEEPAN
|
|
AZAROAK 10
|
SIEMPRE ALICE
|
|
AZAROAK 24
|
TRUMAM
|
|
ABENDUAK 15
|
LA JUVENTUD
|
|
URTARRILAK 12
|
CAROL
|
|
URTARRILAK 26
|
EL HIJO DE SAUL
|
|
OTSAILAK 9
|
3 RECUERDOS DE MI JUVENTUD
|
|
OTSAILAK 23
|
YO, DANIEL BLAKE
|
|
MARTXOAK 09
|
FÁTIMA
|
|
MARTXOAK 23
|
LA HABITACIÓN
|
|
APIRILAK 6
|
EL CLAN
|
|
APIRILAK 27
|
THE DIARY OF A TEENAGE GIRL
|
|
MAIATZAK 11
|
MUSTANG
|
