Gauza jakina da bizi dugun egoera larri-larria dela, izan ere, egunotan santurtziar batzuk zendu eta beste asko pandemiaren ondorio ekonomikoak pairatzen ari dira. Baina herriaren nortasun-ikurrei eusten jarraitu nahian, Kornites Erromeriarekin egin bezala, Serantes Kultur Aretoak eta Jai Batzordeak San Jorge jaiak ospatu egingo dituzte, santurtziarrok herriko zaindariaren omenezko jaietan bat egiteko espazio bat izan dezagun. Horrela bada, Serantes Kultur Aretoak SANTURTZITALENT etxean, herritarren kultura-talentua erakusgai jarriko du eta Jai Batzordeak Santurtziko kuadrillei zuzendutako proba-programa bikain bat prestatuko du denon gozamenerako.
Hona hemen jai-egitaraua:
#SANTURTZITALEN,etxean
SANTURTZIARREN KULTURA-TALENTUEN ERAKUSKETAn parte hartzeko aukera duzue bideo bat bidaliz. Bideoarekin batera, parte-hartzailearen izen-abizenak eta aukeratutako kultura-diziplina ere bidali beharko dira apirilaren 24a baino lehen. Bideoak 3 minututik beherakoa izan beharko du. Linka
Serantes Kultur Aretoak bideoen sailkapena egin eta facebooken argitaratuko ditu bozkatu daitezen. Bozketarako aldia apirilaren 27an hasi eta apirilaren 30ean amaituko da, 14:00etan.
Irabazleek garaikur bikainak irabazi eta euren talentua Santurtziko oholtza batean erakusteko aukera izango dute.
KUADRILLENTZAKO PROBAK INSTAGRAMEN
Ostirala, apirilak 17
19:00 > Jai Batzordearen prentsaurrekoa (zuzenean)
19:30 > ETXEALDI TXOU* probaren hasiera
Larunbata, apirilak 18
10:00 > RETO JOEY* probaren hasiera
Igandea, apirilak 19
18:00 > BATZORDEKIDE SORPRESA proba (1. Pista)
23:00 > > RETO JOEY probaren amaiera
Astelehena, apirilak 20
18:00 > BATZORDEKIDE SORPRESA proba (2. Pista)
Asteartea, apirilak 21
18:00 > BATZORDEKIDE SORPRESA proba (3. Pista)
Asteazkena, apirilak 22
18:00 > BATZORDEKIDE SORPRESA proba (4. Pista)
Osteguna, apirilak 23
10:00 > TRONUA APAINTZEN probaren hasiera
18:00 > BATZORDEKIDE SORPRESA proba (5. Pista)
22:00 > TRONUA APAINTZEN probaren amaiera
Ostirala, apirilak 24
17:30 > Larunbateko probaren azalpena (GINKANA)
18:00 – 22:00 > ETXEALDI TXOU bideoak argitaratzea (probaren amaiera)
22:30 > BATZORDEKIDE SORPRESA probaren emaitza
Larunbata, apirilak 25
11:00 > GINKANA* probaren hasiera
21:00 > GINKANAren amaiera
Igandea, apirilak 26
20:30 > Sari-banaketa (zuzenean)
GARRANTZITSUA: * ikurra duten probetan hasiera-ordua erabakigarria izan daiteke saria lortzeko. Horrez gain, gogorarazten dizuegu kontuan hartuko dela zein ordutan eskegitzen diren bideoak.
Espero dugu laster gure jai-gunea herritarron zein beste herri batzuetatik etorritako jendearen algaraz eta alaitasunez betetzea, jaiak kalean gozatzeko gogotsu gaude eta.
