Aurten, abenduaren 23an, Santurtziko Zugaitza Dantza Taldeak, udal-Olentzeroaren ospakizuna antolatzen duenak, ekitaldia emango du, Olentzerok, agertokitik, ume santurtziarrak agurtzeko eta haien gutunak jasotzeko.
Lau saio izango dira 12:30, 17:00, 18:30 eta 20:00etan. Gonbidapenak Serantes Kultur Aretoaren webgunean, lortu ahal izango dituzu, jende-ilarak saihesteko.
Pertsona bakoitzak 4 gonbidapen lortu ahal izango ditu gehienez, kreditu- edo zordunketa-txartela erabilita, baina doan.
Ekitaldia Santurtzin erroldatuta daudenentzat baino ez da izango.
Helduen kopurua ahalik eta txikiena izan dadila eskatzen dugu, eserlekuetan umeak egon daitezen, edukiera murritzagoa delako COVIDak eraginda.
Bestetik, 2.000 ume baino gehiagok eman dute izena dagoeneko Olentzeroren eta Errege Magoen bideoa jasotzeko abenduaren 24an eta urtarrilaren 5ean. Galdetegia oraindik bete ez baduzu, garaiz zabiltza; izan ere, epea abenduaren 21ean bukatuko da.
—
Horrez gain, jakinarazten da umeek gutunak Errege Magoei emateko errege-postontzia Casa Torre jauregiko atean egongo dela 18:00etatik 21:00etara, abenduaren 30ean eta urtarrilaren 2an.
SKAn izango den Gabonetako gainerako programazioari dagokionez, etxeko txikienei zuzenduta egongo da eta honako dantza ikuskizun zoragarri honekin hasiko da: “PLAY” abenduaren 20an, 18:30ean. ARACALADANZA taldeak haur eta gazteentzako Antzerkiaren Sari Nazionala jaso zuen 2010ean eta, 24 urteko ibilbidean, erreferentea izan da familia eta gazteentzako ikuskizunen sorkuntzan. Informazio gehiago: PLAY-Serantes Kultur Aretoa.
Urtarrilaren 3an, 17:00etan eta 19:00etan, “BLANCANIEVES, EL MUSICAL” ikusi ahal izango da. Ipuin tradizionalaren egokitzapenak printzesa perfektuekin amets egitera bultzatzen gaituzten estereotipoak eta gezurrak hautsi nahi ditu, pertsonak benetan interesgarri egiten gaituena gure inperfekzioak eta desberdintasunak direnean. Gainera, ikuskizuna zeinu-mintzaira egokitua dago. Informazio gehiago: BLANCANIEVES. EL MUSICAL- Serantes Kultur Aretoa.
Azkenik, Gabonetan kultura oparitzea proposatu nahi dizugu. Goizeko Familia Abonua jarriko da salgai, sei plan zoragarri izango dituena urtarrileko eta otsaileko igandeetako goizetarako, eguerdiko 12:30ean. Ikuskizun guztietarako abonuak 12 € balio ditu eta txarteldegian baino ezin da erosi, nahiz eta banakako txartelak Internet bidez eros daitezkeen. Informazio gehiago.
Zorionak eta Urte Berri On
