Luis Miguel Pérez “El Rubio” : Kuadrillak

Luis Miguel Pérez, “El Rubio” ezizenez ezaguna dena, 90eko hamarkadan hasi zen Bihotz Gaztea Argazkilaritza Taldean.

Zuri-beltzezko argazki-karretearen garaia zen. Laborategiaz gozatzen zuen, gela ilunaz, argi gorriaz, erretiluetako likidoez eta argazkigintza begien aurrean astiro agertzen ikustearen magiaz.

Argazkilaritzak eskaintzen dituen aukera guztien artean, baten alde egin zuen argi eta garbi: Santurtzi edozein alderditan dokumentatzea, eta bere egin zuen. Herriko ekitaldi guztietan ikusten genuen, kamera lepotik eskegita. Horren ondoren, paperera ekarritako argazkiez gozatu ahal genuen.

Aro digitala iritsi zen, aldaketa tekniko handia argazkigintzaren munduan, eta Luismi uzkur zen horretan sartzeko. Laborategi kimikoan sartzea maite zuen, baina borroka galdua zuen. Agian, argazkilaritza-baliabide berriek konbentzitu zuten azkenetako bat izan zen, eta karretearen ordez memoria-txartela erabiltzen hasi zen eta errebelatzaileen ordez ordenagailua. Horrek are gehiago piztu zuen bere zaletasuna. Egia esan, ezer ez zen aldatzen, esentzia bera zen, eramangarriagoa, eskuragarriagoa eta errazagoa. Berriro ere zeuden jaietako kuadrillak, sardinerak, arraunlariak portuko arrapalan, inauterietako mozorroak…

Edozertarako eta guztientzako argazkilaria da, santurtziar askoren, Bihotz taldearen, auzoko lagunen (Donibane auzoa, jakina), kuadrillen, Udaleko ordezkarien, kirolarien eta abarren laguna.

“Kuadrillak jaietako dinamizatzaile nagusiak dira. Horregatik, hemendik omenaldi xume bat egin nahi diet, bere munduan sartzen utzi didatela eskertzeko. Espero dut zuen gustukoa izatea.”

Luis Miguel Pérez “El Rubio”