LAS GUERRAS DE NUESTROS ANTEPASADOS

PENTACIÓN        85′

Egilea: Miguel Delibes
Zuzendaritza: Claudio Tolcachir
Antzezleak: Carmelo Gómez Miguel Hermoso

Antzezlanak gerrari eta indarkeriari uko eginda, bakea defendatzen du bizitzarako bide gisa.

Miguel Delibesek 1975ean argitaratutako Las guerras de nuestros antepasados eleberriaren ildo nagusia gerren indarkeriaren aurkako aldarrikapena da.

Eduardo Galanen moldaketa honek Pacífico Perezen izaera konplexua jarriko du agerian. Gogora ekarriko dizkigu boteretsuekiko agertu zituen mendekotasuna eta etsipen ia frantziskotarra aurre egin behar izan zionean ume-umetatik “Abue”-k, “Bisa”-k eta “Padre”-k gerrari buruz kontatzen zizkioten istorioek bere gogoan grabatutako patuari. Lanak eleberriaren jatorrizko eskema errespetatzen du, hau da, Pacíficok espetxeko psikiatrarekin izandako zazpi elkarrizketena. Horietan askatasun osoz eta Gaztelako landa-eremuko hizkerarik aberatsena erabiliz mintzatuko da, liburuaren egileak maisuki idatzi zuen bezala. Carmelo Gómez aktoreak (Leongo herri batekoa jaiotzez) Galanekin lan egin zuen testuaren azken bertsioa «orrazteko».

2023ko Talia Saria gizonezko antzezle onenari Carmelo Gomezentzat