LA DESCONQUISTA

Ron Lalá     85′

Egilea: Ron Lalá
Zuzendaritza: Yayo Cáceres
Antzezleak: Juan Cañas, Daniel Rovalher, Miguel Magdalena, Diego Morales, Luis Retana

XVI. mendearen amaiera. Noraezean dabilen txalupa batean, hiru naufragok arraun egiten dute Mundu Berriko kostaldera iristeko. Hernán Galán kapitainak ospea eta loria nahi ditu, Urlia marinelak urrea nahi du, fray Pío misiolariak fedearentzako arimak topatu nahi. Hirurek mila gorabehera eta zorigaitz biziko dituzte elkarrekin itsaso zabalean eta kostalde ezezagunetan, eta ikasiko dute inor ez dela dirudiena eta ezer ez dela dirudien bezalakoa. Eta Mundu Berria aurkituz gero, agian beren burua aurkituko dute…

La Desconquista komedia barregarria, komikoa eta musikala da, Aurkikuntzaren kroniketan oinarritua. Amets eta anbizio inperialetara egindako bidaia zentzugabea, Ron Lalaren estilorik garbienean: bost aktore-musikari, bertso klasikoko antzerkia Urrezko Mendearen erara, zuzeneko musika, erritmo neurrigabea eta, batez ere, barre algara ugari izango duena.