JON MAOREN “IBILBIDEAK” ERAKUSKETA

Lanean emandako azken 10 urteak erakusketa batean batzea “ibilbide” eklektikoa da, jasotako eraginek eta ezagutzaren bila jarduteak elkarrengandik urrundu edo elkarrekin gurutzatzen diren bideetan zehar eramaten zaituena, esperientziaz eta deskubrimenduz betetako ehun sendoa josiz.

Erakusketa honetan zenbait bildumak dute tokia: “Aktitudea-latitudea” lanak hitz eta begirada bikoitzen jokoa sortzen du. “Amazoniak”, Japoniako pintura tradizionalaren lanketan oinarritutakoak, berriz, paisaia lanbrotsuetara eramaten gaitu.

“Antico” seriean egiten den klasikoen azterlanak garai barrokoan lantzen ziren pintura- eta materia-teknikak ditu helburu, eta hortik beste lan pertsonalago batzuk jartzen ditu erakusgai, hala nola, “Pintore-estudioa” eta “Nire erraietatik” edo ”Harrizko erretratuak” eta “Femme” serieak.

“Silueta atsekabetuak” lanak ematen dio amaiera azken urteotako ibilbideari, non itzalak, arratsaldeko argian proiektatuta, gizakiaren larritasunaren sinboloak diren.

Amaitzeko Santurtzin eta Sopelan egin dituen azken muralak aurkezten ditu, horiek egiteko erabili zituen zirriborro eta irudiak barne.

Pintura hitzik gabe komunikatzeko artea da.