GORKA URREIZTIETA

Santurtzin jaio zen 1954an

Tailuarekin 2011ko urtarrilean izan nuen lehen kontaktua, Galdamesen, eta hasieratik autodidakta izan naiz. Joan den mendearen erdialdeko inguruko lanbide, folklore eta herri kirolekin zerikusia duten giza irudiak zizelkatzea gustatzen zait. Horien artean, sardina-saltzailea, arrantzalea, meatzaria, aizkolaria… azkena ardi-artzain bat izan da, eta guztiek 2 metro baino gehiago neurtzen dute. Naturarekin zerikusia duten irudiak zizelkatzea ere gustatzen zait, baina batez ere eguzkiloreak. Haize-erauntsiek eta errepide eta bideen handitzeek bakandutako edo eraitsitako zuhaitzen gaineko zurtoinak erabitzen ditut, inoiz berariaz moztu gabekoak. Nire lanik handiena 9 metrokoa da, Somorrostroko lanbide heziketako eskolako lorategietan dago; 375 urte inguruko Libanoko zedro baten gainean egina dago, eta bertan Barbadun arroko meatzaritzaren iragana eta gaur egun eskolan ezartzen diren lanbideak jasotzen saiatu naiz. Erakusketa iraunkorrak ditut Santurtziko portuko museoan, Olentzeroren Mungiako etxean eta Somorrostroko LHko eskolan.