COWARD

Bélgica, Francia, Países Bajos, 2026
Iraupena: 127’

Zuzendaria: Lukas Dhont
Gidogileak: Lukas Dhont, Angelo Tijssens
Aktore-taldea: Emmanuel Macchia, Valentin Campagne, Jonas Wertz, Jef Jacobs

Basakeriaz inguratuta baina samurtasunak elkartuta, Lehen Mundu Gerrako bi soldaduk maitasun eta arte santutegi hauskor bat aurkitzen dute lubakien itzalen artean; izan ere, garai zailetan, eszenatoki bat babes handieneko leku bihur daiteke eta desafinatuz abestuta ere, sendagarria da elkarrekin egiten dela jakitea. Filma Canneseko Zinemaldian aurkeztu zen, eta bertan bere bi aktoreek Aktore Onenaren saria lortu zuten batera, bitxia bada ere, -Santurtzin ikusi genuen ‘De repente,’ filmeko bi aktoreekin gertatu zen bezala –, eta ‘La bola negra,’ queer ikutua zuen beste gerra-film batekin partekatu zuen saila, biek antzekotasun batzuk dituztelarik.

Transexualitatea (‘Girl’) eta, denek begiratzen dutenean, nerabezaroaurreko adiskidetasunaren hauskortasuna aztertu ondoren, (‘Close’), Lukas Dhont denboran zehar bidaiatzen du, baina ez da gehiegi urruntzen egile gisa dituen gai handietatik, eta galdera sakon bat egiten dio Europako gerrarik zentzugabeenetako batera bidalitako belaunaldi bati. Munduak indarkeria eskatzen duenean, desertatzea da ausardia-ekintzarik behinena? ‘Coward’ edertasunaren bidez munduaren itsustasunari aurre egiteko modu bat da. Zuzendari belgikarrak pitzaduretatik sortzen den argia bilatzeari ekiten dio, mutil baten jarrera beste baten mina baretzeko, heriotzaren presentziaren aurka talka egiten duen gazteriaren bizi-indarra, eta baita talde eta besteengandik sortzen den indarra ere.