MISERICORDIA (MISÉRICORDE)

🌍 Frantzia (2025).  ⌛ 104’
🎥 Zuzendaria: Alain Guiraudie.
🎭Aktore-taldea: Félix Kysyl, Catherine Frot, Jacques Develay, Jean-Baptiste Durand.

Tonu komiko eta aldi berean misteriotsu batez, ‘Miserikordia’ desioaren korronteen eta bertatik sortzen den guztiaren parabola bat da, Frantziako basoen erdian gorpu baten ondoan sortzen diren perretxiko horien antzera. Alain Guiraudie zuzendariak, ‘El desconocido del lago’ (2013) bezalako filmei esker ospe handia lortu duenak, nekazal munduaren iluntasunera garamatza – eta baita geurera ere bai – azken urteko film ospetsu eta arraroenetako batean. Zenbateraino uler dezakegu geure burua zigorretik eta errutik bereizi gabe?

Denek elkar ezagutzen duten lekuetan gertatzen den bezala, ‘Miserikordia’-n elkarreragin bakoitzak mundu bat ezkutatzen du, inork inori buruz ezer ez dakien, baina dena susmatzen deneko mundu bat. Hala ere, tartetxo bat uzten du besteen sufrimenduez errukitzeko prestasunari, filmaren izenburuak adierazten duen bezala, baita barkamenari ere, baina besteen eta norberaren judizioaren artean borroka eginez.