DULCINEA

Txalo Produkzioak  80′

Egilea eta zuzendaria: Juan Carlos Rubio
Antzezleak: Paloma San Basilio, Julio Awad

Emakume perfektua, heziketa onaren eta xarmaren eredua, historian izan den Zaldun ibiltari ezagunenaren dama eta andrea izatea, Dulcineak dagoeneko jasan nahi ez duen zama da. Idealek gero eta toki gutxiago duten mundu batean, etikak estetikari eta moralak ustelkeriari bidea eman dioten honetan, ez du zentzurik ezinezko ametsen alde aritzen jarraitzeak. Edo, agian bai?

Abestia eta interpretazioa uztartuz, Paloma San Basilio topikoz eraikitako emakume ideal horren larruan sartzen da, bere nortasunaren alde egiteko. Ikuskizun horretan, artistak musika eta hitza erabiltzen ditu, zaldunen liburuetan azaltzen ez den beste ikuspegi batetik kontatzeko, hain ugariak diren Dulcinea horien papera.

Julio Awad pianoan lagun duela, Paloma San Basiliok benetako zintzotasun-ikasgaia ematen digu, umoretik eta ironiatik hasita, oinaze eta apaltasuneraino.