BADAKIZU PLASTIKOZKO LOREAK EZ DIRELA INOIZ BIZI IZAN, EZTA?

Tanttaka   90′   EUSKARAZ

Egilea eta zuzendaria: Mireia Gabilondo
Antzezleak:  Telmo Irureta, Mireia Gabilondo, Aitziber Garmendia

Bakardadeari, buruko gaitzei, maitasun ezari, zahartzaroari, nork bere buruaz beste egiteari, depresioari eta gorputza mugitu ezinik baina burua bizi-bizi izateko adoreari buruzko tragikomedia.

Hiru lagun, edo, hobeto esanda, lau, elkarri lotuta haiek jakin gabe ere.

Luciak izugarrizko depresioa du, eta esperientzia bikario bat bizi du Yoldiren bitartez. Yoldi adimen-desgaitasuna duen gazte zoragarria da, Jose Manuel garun-paralisia duen psikoterapeuta ospetsuaren landareak zaintzen dituena. Jose Manuelek harreman intimoa du Alexa adimen artifizialarekin, baina bere psikiatrak baino ez du sekretu horren berri. Martina, psikiatra, bere barruko iluntasunaren aurka dabil borrokan, erabat etsita ezin diolako Lucia alabari laguntzarik eman.

Euretako inork ez daki zer geratzen ari zaien besteei. Inork ez ditu ez besteen zauriak, ez beldurrak, ez isiluneak ezagutzen. Eta, hala ere, denek uste dute elkar ezagutzea izan dela inoiz gertatu zaien gauzarik onena.