Aurtengo urtarriletik uztailera bitartean, Santurtziko Serantes Kultur Aretoko eszena-egitarauan 23 ikuskizun eskainiko dira, horietako 7 umeentzat.
Aurtengo eskaintza zabala da, asmoa ikuslego mota guztietara heltzea da eta. Helduentzat 16 emanaldi izango ditugu. Musikari dagokionez, besteak beste, “Golden Apple Quartet” laukote donostiarra izango dugu eta Euskal-herriko kantautore kuttunetako bat: Benito Lertxundi. Carmen Paris aragoitar peto-petoak ere abestuko du SKAn. Kantari honek Aragoi aldeko jota bestelako musikarekin uztartzen du, hala nola, folka, saltsa…Giacomo Pucciniren opera ezagunenetako bat ere eskainiko digute, “Madame Butterfly”. Horrez gain, dantza gozatzeko aukera izango dugu. Emanaldietako bik dantza tradizionala dute oinarri: “Axeri boda”, 40 dantzari baino gehiago biltzen dituen dantza-ikuskizuna eta Aukeran dantza-konpainiaren “Gernika”. Sol Picok, berriz, bestelako dantza-ikuskizuna ekarriko digu:“El Llac de los Mosques” gaur egunekoa.
Bestetik, Serantes Kultur Aretoan hainbat antzerki lan taularatuko dira, hala nola, “Urtain”, Argentinatik datorren “La omisión de la familia Coleman”, “El club de las mujeres invisibles”, “Trampa mortal” Paco Valladaresen eskutik, “Una noche con Gabino Diego”, “Exitus” eta Pragako Teatro Beltzak eskainiko digun “Las aventuras del barón Munchaussen”, argi beltzetako ikuskizuna.
Bi komedia estreinatuko dira: “Hienas rellenas” eta “La última aventura de Julio Verne”, azken hau umeentzat.
Taularatuko diren lanak zein bertan parte hartuko duten antzezleak bikainak dira.
Familia osoak batera ikusteko moduko emanaldi ugari eskainiko dira Serantes Kultur Aretoan. Umeek gaur eguneko dantza-ikuskizun bat eta 6 antzezlan ikusteko aukera izango dute. Horietako bat keinu bidezko antzezlana da, bi euskaraz dira eta beste bat “La mar de formas” dantzaldia.
Antzezlanetako sarrerek 10 eta 15 euro artean balio dute, dantza-emanaldietakoek, berriz, 10 eta12 euroren artean. Kontzertuetarako sarrera bakoitzeko 12€ ordaindu behar da, eta operarako sarrera lortzeko 20€. Umeentzako ikuskizun guztiek prezio bera dute, 3€.
Horrez gain, Serantes Kultur Aretoak zine-klubeko filmak eskaintzen jarraituko du, 15 egunean behin, ostegunetan. Oraingo honetan zenbait zinema-jaialditan saria jaso duten film sorta bat ikusteko aukera izango dugu.
