Atseginez gonbidatzen zaitugu, hurrengo asteazkenean, hilak 17, 19:30ean izango den “Guerra de las Galaxias” sagari buruzko Erakusketako inauguraziora, Santurtziko Casa Torre Jauregian. Erakusketa urtarrilaren 7ra arte izango da, astelehenetik larunbatera, 9:00etatik 14:00etara eta 18:00etatik 21:00etara.
Erakusketa “Serantes Kultur Aretoa” erakundearen laguntzarekin egingo da eta Ricardo Herbosa del Vallek antolatu du, informatikaria eta “Scalextric, historia y nostalgia” eta “Cannon Films: la generación del Videoclub” liburuetan lagundu duenak. Santurtziarra zinematografia-saga ospetsuarekin lotutako piezak ari da biltzen, Santurtziko Consa zine aretoan George Lucasen lehen filma ikusi zuenetik.
Erakusketa honetan 300 gauza baino gehiago daude: irudiak, mahai-jokoak, espaziontziak, filmak, kartelak, komikiak, kromo albumak, liburuak, merchandising-a, imitaziozko armak, diskoak… Pieza hauetako bakoitzak istorio epiko honetako sei ataletan gertatzen diren istorioak ezagutu eta horietan sakontzeko aukera ematen digu.
Erakusketa honen osagarri gisa, 501. Legioko Star Wars sagako “Stormtrooper” soldaduak, Darth Vader osteen buru dutela, erakusketa ikustera etorriko dira hurrengo ostiralean, hilak 19, 18:30etik aurrera Serantes Kultur Aretotik Casa Torre Jauregira desfilatuz eta bertan, nahi duten guztiek argazkiak atera ahal izango dituzte pertsonaia ospetsu hauekin.
Legioak 600 euro emango dio herriko biztanle behartsuenei elikagaiak banatzen laguntzen duen “STZ Gosearen aurkako solidarioak” elkarteari. Diru hori Serantes Kultur Aretoari ekitaldira etortzeagatik kobratu dion diru kopurua da.
501. Legioa, mundu erakundea dena, inperioko jantzien kopiak egiten dituzten borondatezkoez osatuta dago. Kideak ume eta behar handien dituztenak laguntzeko erakunde eta fundazio askorekin aritzen dira elkarlanean eta irabazteko asmorik gabeko mugimendu nagusiena bilakatu da.
501. Legioak gaur egun 10.000 kide baino gehiago ditu mundu osoan eta Espainiako Spanish Garrison destakamenduak 100 kide baino gehiago ditu.
Serantes Kultur Aretoak ume guztiak gonbidatzen ditu Star Wars mozorroa jantzi eta Casa Torre Jauregira etortzera, Photocall-ean saga honetako pertsonaiekin batera argazkiak ateratzeko
