El Señor de los Anillos: El Retorno del Rey

Fantasia, Abentura

2003ko abenduaren 17a
3h 21min / Fantasia, Abentura
Estreinaldia: 2021eko maiatzaren 14a
Zuzendaria: Peter Jackson
Gidoia: Peter Jackson, Philippa Boyens
Aktore taldea: Sean Astin, Elijah Wood, Viggo Mortensen
Jatorrizko izenburua: The Lord of the Rings: The Return of the King

13 urtetik gorakoentzat. Sauronen armadak Minas Tirith Gondorreko hiriburuari egin dio eraso. Arrisku garrantzitsu batek erresuma mehatxatuko du, antzina boteretsua baina orain ahula, erregea inoiz baino gehiago behar duena. Muturreko egoera horretan Aragorn gakoa izango da erresuma garaile ateratzeko, baina… gai izango ote da bere patua betetzeko? Bien bitartean, Gandalf ahaleginduko da Gondor suntsitzeko lanean dabiltzan indarrak geldiarazten, eta Théodenek Rohanen gerlariei borrokan eurekin bat egin dezatela eskatuko die. Hala eta guztiz ere, adorea eta leialtasuna gorabehera, Gizonen indarrak ez omen dira aski izango erresuma mehatxatzen duen etsai kopuru ikaragarriari aurre egiteko. Garaipenaren atzean sakrifizio handiak egin beharko dituzte, baina galerak galera, Elkarteak ez du etsiko, eta bizirauteko borroka latzari tinko eutsiko dio amaierara arte. Aldi berean, kideak Sauronen arreta erakartzeko ahaleginean ibiliko dira, Frodori bere misioa osatzeko aukera eman nahian. Etsaien lurraldean aurrera hobbit gazteak, Sam bere lagun leial eta Gollum misteriotsuarekin batera, Eraztun Bakarraren tentaldian ez erortzeko bereak eta bi egingo ditu. Filmaren zuzendaria Peter Jackson da (King Kong, El Hobbit) eta Elijah Wood (Sin city, Hooligans), Viggo Mortensen (La carretera, Jauja), Ian McKellen (X-Men, Mr. Holmes) eta Sean Astin (Los Goonies, Amazing Love) dira protagonista nagusiak.