Serantes Kultur Aretoak berriro jarriko du abian udazkeneko eszena programazioa

Uztailean emanaldi ugari izan eta Serantes Kultur Aretora zinea itzuli ondoren, ostiral honetan, irailak 18, udazkeneko programazioa berreskuratuko du 20:30ean, Bilboko Orkestra Sinfonikoaren urteroko kontzertuan Piazzola, Stravinski eta Véla Bartoken piezak eskainiz, Iker Sánchezen zuzendaritzapean. Bertan Garazi Navas soinujolea bakarlari arituko da.

Urriaren 8an hasiko da zine kluba, `El increíble finde menguante´ filmaren bidez eta Jon Mikel Caballero zuzendaria ere hurbilduko da aretora. Filma Santurzine film laburren jaialdiaren barruan eskainiko da, zeina urriaren 17an bukatuko baita SKAn egingo den itxiera-ekitaldian.

Gainera, urriaren 9 eta 10ean Ara Malikian biolin-jotzaile bikaina gozatzeko aukera izango dugu, Ivan `Melón´ Lewis konpositore eta ekoizle kubatarraren laguntzarekin, non `Royal Garage´ disko berria aurkeztuko baitigute, zeinean ikuspuntu klasikoago batetik, Ara Malikianek bere ibilbidean zehar bere estiloan eta bihotzean arrastoa utzi duten hiri handietako garajeen ibilbidea egiten baitu.

Urriaren 23 eta 24an bi kontzertu izango dira Abesbatzen Nazioarteko Topaketaren barruan, Serantes Kultur Aretoak lagunduta, eta, beti bezala, San Jorge elizan izango dira. Era berean, Santurtziko XXXVI. Antzerki Jaialdia izango dugu urriaren 30etik azaroaren 28ra, kalitate handiko hamabost antzezlan eskainiz. Horrek ekarri dio publiko eta kritikaren aitorpena eta, besteak beste, iaz jaso zuen Ercilla saria. Aurrerago emango dugu horren gaineko informazio gehiago.

Abenduan Aracaladanza dantza talde sarituaren emanaldia izango da publiko ororentzat. Zineari dagokionez, estreinaldiak ematen jarraituko dugu bi saiotan ostegunetik igandera, 18:00etatik 20:30era.

Aukera hau baliatu nahi dugu berriro ere esateko, Covid-19aren aurrean publikoaren eta Serantes Kultur Aretoko langileen segurtasuna bermatzeko neurriak, besteak beste, honako hauek direla: gehienezko edukieraren % 60a, erabiltzaileek maskara jarrita izan behar dutela eta gel hidroalkoholikoa emango zaiela. Gainera, sarrerak saltzeko sistemak albo bietako eserlekuak desaktibatzea bermatzen du eta publikoa ate batetik sartu eta beste batetik irteten da.

Serantes Kultur Aretoak berriro jarriko du abian udazkeneko eszena programazioa

Erakusketak 16.09.2020

¡Siguenos en redes!

Jarraitu!