Santurtziko aurtengo Inauterietako jaitsiera martxoaren 4an izango da, larunbata, 18:30ean. Baina oraingo honetan beste jarduera berezi bat ikusi ahal izango dugu, igandean, martxoak 5, Santurtziko Zugaitza dantza-taldeak Zuberoako Maskarada ikusgarria eskainiko baitu oinez-gunean 13:00etan.
Martxoaren 1era arte zabalik egongo da Santurtziko Inauterietako hamahirugarren jaitsiera honetan parte hartzeko eskaerak aurkezteko epea. Eskaerak hurrengo hauen bidez egin ahal izango dira:
– Serantes Kultur Aretoaren webgunea: www.serantes.com , bera baita Inauteriak antolatzen dituen Erakundea.
– Casa Torre Jauregian: 9:00etatik 14:00etara eta 18.00etatik 21:30era
Urtero bezala, sariak modalitate bitan aurkeztutako mozorroei emango zaizkie: itsas-mozorroei eta inauteri-mozorroei, umeen zein helduen kategorian. Bestalde, bakarka edo bikoteka aurkezteko aukera egongo da, eta sari berezia emango zaio tramankulu edo ibilgailu ikusgarri edo originalena aurkezten duen taldeari.
Taldeak eta kuadrillak animatu daitezen 50 euroko dieta emango zaie baldin eta 15 lagun edo gehiagoko taldean aurkezten badira (gehienez 70 dieta banatuko dira).
Zenbakiak martxoaren 2an (osteguna) Kresala Aretoan jaitsiera antolatzeko 20:30ean egingo den batzarrean bantuko dira.
Hala ere, Inauterietako ekitaldiak otsailaren 24an hasiko dira. Egun horretan goizean ikastetxeetan jaiak ospatuko dira eta euretako batzuetako umeek desfilea egingo dute herrian. Arratsaldean 17:00etatik 21:00etara haur-diskoteka eta jolas puzgarriak egongo dira.
Martxoaren 4an, larunbata, hurrengo egitaraua izango dugu:
18:30ean, Santurtziko Inauterietako Desfilearen XIII. edizioa egingo da. Sardinera Parkean hasi, eta Itsasalde eta Habana ontzia kaleetan zehar ibili ondoren, Gernika Parkean amaituko da, non 21:00etan sari banaketa egingo den. 20:00etatik 23:00ak arte nahi beste dantzatzeko aukera izango dugu.
HONA HEMEN SARIAK:
| KATEGORIA: UMEEN ITSAS-MOZORROA TALDEKA
1. saria 300€ + garaikurra
2. saria 200€
3. saria 100€
4. saria 80€
|
KATEGORIA: UMEEN IÑAUTERI-MOZORROA TALDEKA
1. saria 300€ + garaikurra
2. saria 200€
3. saria 100€
4. saria 80€
5. saria 70€ |
| KATEGORIA: HELDUEN ITSAS-MOZORROA TALDEKA
1. saria 500€ + garaikurra
2. saria 300€
3. saria 100€
4. saria 80€
|
KATEGORIA: HELDUEN IÑAUTERI-MOZORROA TALDEKA
1. saria 500€ + garaikurra
2. saria 300€
3. saria 100€
4. saria 80€
5. saria 70€
6. saria 70€
7. saria 70€ |
| KATEGORIA: BAKARKA
Sari bakarra 200€ + garaikurra |
KATEGORIA TRAMANKULURIK ONENA
Sari bakarra 200€ + garaikurra |
Animatzen zaituztegu, santurtziar zein kanpotar, mozorroa jantzi eta inauterietan parte hartzera.
