Encrucijada antzerki-taldeak magia-ikastaroa antolatu du doan Santurtzin lehen hezkuntzako ikasleentzat, parte hartzen duten umeen irudimena, sormenerako gaitasuna eta kulturarekiko zaletasuna suspertzeko helburuz. Horrez gain, Eszena Formaziorako 20 orduko ikastaroa eskainiko du helduentzat, 75 euroren truke.
Bi ikastaro hauen aurkezpena Antonio Pérez Ourok eta Danel Bringas Egiliorrek egin dute, Teatro Encrucijada Taldeko ordezkaria eta Serantes Kultur Aretoko Presidentea hurrenez hurren. Izan ere, Serantes Kultur Aretoak, ikastaro hauen erakunde babeslea bera, Santurtziko antzerki-taldearekin lankidetza-hitzarmena sinatuta du.
Magia Tailerra 7 eta 12 urte arteko 120 ikaslerentzat da. Tailerrotan hainbat magia-joko egiten ikasiko dituzte, kartak, sokak, zapiak, paperak, edalontziak eta horrelakoak erabiliz. Ikasle horietatik interes eta trebetasun handien erakusten duten 15ek 10 orduko hobekuntza tailerra egiteko aukera izango dute (5 egunetan bina orduz).
Ikastaroak Casa Torre Jauregiko aretoetan emango dira, baina bertan parte hartzeko eskaerak ikastetxeetan bertan jaso eta aurkeztu beharko dira. Interpretazio Tailerrekoak, berriz, guztion esku egongo dira Casa Torre Jauregian, eta azaroaren 12ra arte egongo da aurkezteko epea zabalik.
Tailer bien bukaeran ikuskizunak egingo dira, abenduaren 22an interpretazio-tailerrarena eta 2013ko urtarrilaren 4an magia-gala hain zuzen.
Ikastaroak hurrengo egun eta orduetan izango dira:
Magia Tailerra
Magian hasteko tailerra: Azaroaren 23,24 eta 30ean eta abenduaren 1 eta 14an. Ausaz erabakiko da zein talde eta zein ume arituko den egun bakoitzean.
Aukeratutako 15 ikasleentzako hobekuntza-tailerra: abenduaren 15, 21, 22, 28 eta 29an.
Interpretazio Tailerra (Eszena-Formaziorako Ikastaroa)
Ostiral arratsaldeetan 18:00etatik 20:00etara eta larunbat goizetan 11:00etatik 13:00etara, azaroaren 16, 17, 23, 24 eta 30ean eta abenduaren 1, 14, 15, 21 eta 22an
Horrez gain, azaroaren 16an talde honek Oroitzapenerako Kantak eskainiko ditu BILONGO izenaz ezagutarazi den kontzertuan. Santurtziko talde honetako bi kidek boleroak, tangoak eta estilo horrelako hainbat kanta ezagun abestuko dituzte beren-beregi hirugarren adinekoentzat antolatu den kontzertu honetan, non ziur aski hunkitu egingo diren kanta horiek entzutean, iraganeko bizipenak eta une bereziak gogoratuz.
Informazio handiagoa nahi baduzu, idatzi mezua info@teatroencrucijada.com / www.teatroencrucijada.com helbide elektronikora edo deitu 618.318.828 telefono zenbakira.
