Santurtzik azken berrogeita hamar urteotako euskal musikari buruzko erakusketa ibiltaria inauguratuko du

“Azaletatik sustraietara” erakusketak Santurtzin hasiko du ibilbidea, eta bertara hurbiltzen diren herritarrei euskal musikaren azken berrogeita hamar urteak ezagutzeko aukera eskainiko die. Ikusleek bidaia egin ahal izango dute bost hamarkada horietan zehar, diskoen azal handien eta ikus-entzunezkoen bidez. Erakusketak ibilbide luzea egingo du, Santurtzin hasi eta Durango, Bermeo, Getxo eta beste hainbat herritan ibiliko da eta.
Erakusketa Casa Torre Jauregian egingo da, Santurtziko eraikin dotoreenetako batean hain zuzen, eta ikusgai egongo da irailaren 28tik urriaren 18ra. Arratsaldez publiko ororentzat izango da, baina goizez Edorta Jiménez euskal idazleak berak egingo die bisita gidatua herriko eta inguruko ikastetxeetako ikasleei. Inaugurazioa, esan bezala, irailaren 28an izango da arratsaldeko 19:30ean, eta bertan euskal musikari garrantzitsuenetako batek hartuko du parte.
Erakusketa EMANKOR elkarteak antolatu du eta Bizkaiko Foru Aldundiak lagundu du diruz, eta AZALETATIK SUSTRAETARA proiektuaren barruan dago. Lehenengo fasean izen bereko liburu arrakastatsua argitaratu zen, eta honakoa, erakusketa alegia, proiektuaren bigarren fasea da.

Santurtzik azken berrogeita hamar urteotako euskal musikari buruzko erakusketa ibiltaria inauguratuko du

Erakusketak 28.09.2012

¡Siguenos en redes!

Jarraitu!